Eqqumiitsumik nappaasersuinerit

Oqaluttuarisaanermik ilisimatuup Københavnip Universitetiani Saxo Institutimeersup Søren Rud-ip, nappaatinik 1864-imit 1940-p tungaanut nappaatit suussusersineqarsimasut ilisimatusarfigisimavai.

Soorlu silaarulluni issittumi kamanneq aamma qajartorluni nangiartunngorneq, ilaatigut nappaatinik suussusiliinerni atorneqartarsimapput.

Kalaallit pisarnermissut inooriaatsiminniiginnarnissaat anguniarlugu, taamalu amminik tunisaqarnerunissaat anguniarlugu, qallunaat isertitaqarnerunissaat anguniarlugu nappaatinik taama suussusiliisoqartarsimasoq, Søren Rudip oqaatigaa:

- Nappaatinik allamiorpasissunik suussussiliisarnertigut - atornerlunneqarnerisigullu - inuiaqatigiit ataatsimoortut assigiinngitsut inooriatsiminniiginnarnissaat nappaatinik suussusiliisarnerit taamaattut atorneqartarsimapput. "Uagut" aamma "taakku"atorlugit inuiannik immikkoortitsisoqartarsimavoq. "Uagut" inuiaqatigiittut siuarsakkatut inuuvugut, pissarissaarluta, inuulluarniutinik peqarluta. "Taakku" qanganisarpaluttumik inuupput, inuiaqatigiillu ineriartorneranni "taakku" malinnaasinnaanngillat, pissarissaalissagaluarunillu aqussinnaassanagit, Søren Rud ilaatigut taama nassuiaavoq.

Taamani nakorsat nappaatinik suussusiliigaangamik assersuutigalugu qaannamik nangiartunngorneq, kaffimik sioraasanillu sapigaqarnermik aallaaveqarnerartarsimavaat.

Søren Rudip ilisimatusaataa 2014-imi pisortatigoortumik aatsaat aallartissaaq, suliarli alla aallaavigalugu sioqqutsilluni aallartereersimallugu.