Eqqumiitsuliortut nutaaliortut Nuummi saqqummersitsilersut
Ivalo Frank Jessie Kleemannilu nutaaliorlutik eqqumiitsuliortutut taaneqarsinnaalluarput, suliaminnimmi killissaminnik misilittaasarnerat takussaajuarmat.
Saqqummersitseqatigiinnerat nutaaq taaguuteqarpoq FACES//Kiinnernerit, tassanilu Ivalo Frankip titartagai qalipagaalu nutaat Jessie Kleemannillu taalliaanut ataqatigiissillugit saqqummersinneqassapput.
Kiinnap isikkui, qanoq misigisimanermik takutitsisartut immikkut sammivaat, taakkulu Kleemannip taalliaanut nalitsinni inuiaqatigiit ajornartorsiutaannik sammisaqarfiusunut ataqatigiissinneqarput.
Jessie Kleemann Ivalo Frankilu 2010-mi naapeqqaarput. Nuummi inissiami najugaqatigiipput, siunissamilu ataatsimoorlutik suliniuteqarnissaminnik eqqartueqatigiilllutik. Tamannalu kingorna filmiliornikkut isiginnaartitsinikkullu timitalerneqarpoq.
Eqqumiitsuliortut nutaaliortut tamatumuuna sunik takutissaqarnersut paaserusukkaanni, Nuummi Eqqumiitsulianik Saqqummersitsivimmut ullumimit takuniaasoqarsinnaavoq.