Kulturi

Eqqumiitsuliortut inuusuttut Nuummi saqqummersitsisut

Nuummi Eqqumiitsulianik Saqqummersitsivimmi eqqumiitsulianik saqqummersitsineq nutaaq allaanerusorlu qulequtaqartoq "Ikumasut" tallimanngormat ammarneqarpoq.
Kristine Spore Kreutzmann II-p suliaasa ilaat. Assi © : Nuuk Kunstmuseum
Nanna Anike Nikolajsenip suliaasa ilaat. Assi © : Nuuk Kunstmuseum
Allattoq Karsten Sommer
aggustip 01-at 2016 05:16
Nutserisoq Simon Uldum -

Arnat eqqumiitsuliortut inuusuttut marluk marrarnik sapannganillu suliaat saqqummersinneqarput. Aappaa tassaavoq Kristine Spore Kreutzmann Nuummeersoq, Japanimi Afrikamilu Burkinop Fasomi angalasarnini isumassarsiorfigalugit ilaatigut marraq nuatsinneersoq atorlugu marriortartoq.

Eqqumiitsuliortullu aappaa tassaavoq Nanna Anike Nikolajsen, Nunatsinni sumiiffinni assigiinngitsuni najugaqartarsimasoq.

Taanna Københavnimi Kunstakademietimi ilinniarsimasuuvoq, sapanngallu nunasiaanerup nalaani Hollandimi tunisassiarineqartartut atorlugit eqqumiitsuliortarpoq. Sapanngat Tysklandimi indianerinit pigitinneqarput, Frankrigimiunit afrikamiunit pigitinneqarlutik Nunatsinnilu kalaallinit pigitinneqarlutik, Nanna Anike Nikolajsen taama erseqqissaavoq.

Saqqummersitsineq Nuummi Eqqumiitsulianik Saqqummersitsivimmi tallimanngormat ammarneqarpoq aggustillu 28-ata tungaanut takuniarneqarsinnaalluni.

Aamma atuaruk

Kulturi

Aki-Matilda Høegh-Dam: Isummamik allanngortitsinngilagut – avataarsuata ujaraa angerlartinneqassaaq

På billedet ses et komplet skelet af den dinosaur, som er fundet i Østgrønland. Fossilerne er nu pakket ned og kan sendes til Grønland, hvis Grønlands Nationalmuseum og Arkiv ønsker det.
Kulturi

Nunatta Katersugaasivia Allagaateqarfialu allamik qinigassaqannginnami: Dinosaurit saarngi ukiut qulit sinnerlugit atukkiukkai

Kulturi

Nunatsinni assilisat allagaateqarfissuarmiittut akeqanngitsumik atorneqariaannaalertut