Eqqumiitsuliortut eqeersimaarput

Qalipaasarneq, imaluunniit assilialiorneq, Kalaallit Nunaanni ingerlalluarpoq ineriartortuarlunilu, Københavnip Universitetiani eskimologiimik ilisimatusartoq, Jørgen Trondhjem, taama isumaqarpoq.
Allattoq Louise M. Kleemann
februaarip 04-at 2009 09:15

Kalaallit Nunaanni qalipaasarnerup ukiuni 15-ini kingullerni ineriartornera ph.d atorlugu Jørgen Tronhjemip ilisimatusarfigisimavaa.

- Eqqumiitsuliortut, pingaartumik inuusunnerusut, suliamik nalilerneqartarnerat pakatsissutigisaraat akuttunngitsumik misigisarpara, tassa kalaaliunertik apeqqutaatinneqartartoq. – Kalaaliunerput siullermik malugisarpaat, eqqumiitsuliortuunerpullu kingulliullugu maluginiartarlugu, Jørgen Trondhjem, ilisimatusarneq pillugu nittartakkami, videnskab.dk-mi, allaaserisaq naapertorlugu, oqarpoq.

- Eqqumiitsuliat Kalaallit Nunaannut attumassuteqartorujussuusarput, tassa eqqumiitsuliortup kalaaliunera ersittarluni. Soorlu Miki Jacobsen eqqaasinnaavarput, taassuma qalipattarpai qimussersut, pinngortitaq kamiillu, tamatigulli allaanerusumik isikkoqartittarlugit, Jørgen Trondhjem isummersorpoq.

Taassumalu oqarnera naapertorlugu kalaallit eqqumiitsuliaasa, soorlu danskit eqqumiitsuliaattulli allanngorartiginerat ullumikkut takuneqarsinnaavoq.

Aamma pingortitamut piorsarsimassusermullu tunngasut pivallaarunnaarlugit inuit tamarmik atugarisaat eqqumiitsuliani pineqarnerulersut unnerpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq