ASSIT: Eqqumiitsuliortoq Uummannarmiu Katuami saqqummersitsisoq

Ullumikkullu 60-inik ukioqalersimagaluarluni eqqumiitsuliai nunatsinni 1980-ikkunnili ilisimaneqarluareerput. Ilaatigut 23-nik ukioqarluni nipilersoqatigiit rockimik nipilersortartut Piitsukkut saqqummersitaata saqqaanik assiliartalersuisuuvoq.

Som 23-årig var Tikkili Pjetturson kunstneren bag det ikoniske forsidebillede til datidens kendte tungrock gruppe Piitsukkut. Assi © : ULO

23-nik ukioqarluni nipilersoqatigiit rockimik nipilersortartut Piitsukkut saqqummersitaata saqqaanik assiliartalersuisuuvoq. Asseq: ULO

Nunatsinni qanga pissutsit nunatsinnilu nutaaliaasumi pissutsit ataatsimoortillugit titartarpai.

Tikkili Pjetturson kingorna inunnik assiliilluni qalipaasartutut piumaneqarlualerpoq, aamma pinngortitamik uumasunillu qalipaanermi periaaserisartagaa nuannerluinnartuulluni.

Qilapagai ilaatigut Kunngikkormiut umiarsuaanni Dannebrogimi, Naalagaaffiit Peqatigiit qullersarisimasaata Ban Ki-Moonip angerlarsimaffiani Monacop fyrsiata Albertip angerlarsimaffiani nivingapput, aamma nunatsinni naalakkersuinermik sulialinnik pingaarutilinnik assiillugit qalipaasussatut Namminersorlutik Oqartussanit kommininillu atorneqartarpoq.

Tikkili Pjettursonip Katuami saqqummersitsinera apriilip qulingata tungaanut takuniarneqarsinnaavoq. Tamatuma kingorna Københavnimi Kalaallit Illuutaanni aamma saqqummersitsissaaq.

.