Eqqugassaq annerpaaq: Kalaallit Nunaannut angalaneq
Galatheami ilisimasassarsiornerit nangillugit Danmarkimi atuartunut nutaamik unammisitsisoqalerpoq, ajugaasullu Kalaallit Nunaannut angalanermik nuannerunarluinnartumik eqquisinnaassapput.
februaarip 28-at 2008 17:26
Galathea-mit paasissutissat nutaaviit aallaavigalugit unammisitsineq ingerlanneqassaaq, paasissutissanut taakkununnga iseriarlutik peqataasut ilisimasassarsiortutut namminneq suliaqartuusaarsinnaapput.
7. klasse-miit 10. klasse-mut atuartut, taavalu ilinniarnertuunngorniat, unamminermi peqataasinnaapput.
Ajugaasut aasaru aggustip naalernerani Kalaallit Nunaannukassapput, nunatsinniinnerminnilu naapitassaasa ilagissavaat silap pissusaata allanngoriartorneranut atatillugu ilisimatusartut ilisimatuullu.
Uuttortaanerit database-mut ilioqqakkat 600.000-init amerlanerit Galathea 3-p Vædderen atorlugu nunarsuaq kaajallallugu ilisimasassarsiorami tikiuppai.
