Eqqissineq ataavartoq naapertuilluarnermillu tunngavilik
Pave Benedikt 16-iata ullumi juullimi pilluaqqussimmini oqaatigaa kangiani qiterlermi eqqissineq ataavartoq naapertuilluarnermillu tunngavilik anguniarneqassasoq.
-Ernumangaarlunga ullumi persuarsiorfiusumi eqqarsaatikka kangianut qiterlermut ingerlaartippakka, Kangia qiterleq ajornartorsiorfioqisoq aporaaffioqisorlu. Neriuppunga siunissami eqqissineq ataavartoq naapertuilluarnermillu tunngavilik kangiani qiterlermi periarfissiuunneqarumaartoq.
Pavip kissaataa pivoq israelip ministeriunerata Ehud Olmert-ip palæstinamiullu præsidentiata Mahmoud Abbas-ip ippassaani naapeqatigeereerneratigut. Olmert Abbas-ilu siullermeerlutik pisortatigoortumik ataatsimeeqatigiipput.