Eqqillit qullersanngorniuttut
marsip 07-at 2006 06:17
Canadami Yukonimi eqqillit Ta’an Kwach’anit høvdingilerngusaannerat eqqartuussivimi suliarineqartussanngorpoq.
Ruth Massiep naggueqatigiinni høvdingimut 2004-imi qinersinermi ajugaanera qineqqusaaqataasup arnap Bonnie Harpep eqqartuussivik aqqutigalugu allanngortikkusuppaa.
Bonnie Harpe qineqqusaarluni ajorsarami oqarsimavoq qinersinermi peqquserluuteqartoqarsimasoq, naggataagulli naggueqatigiit utoqqartaasa Ruth Massiep høvdingiungallarnissaa aalajangerpaat.
Ilaqutariit marluk akornanni ukiorpassuarni aaqqiagiinngissuteqarneq arnat taakku marluk isumaqatigiinngissuteqarnerannut aallaaviusoq, nutaarsiassaqartitsivik CBC tusarliussivoq.
Naggueqatigiit Ta’an Kwach’an-kkut 430-t missaanniipput.
