Eqqillit Canadami naalakkersuisut eqqartuussivinnut suliassanngortippaat

Albertami naggueqatigiit eqqillit marluk, The Mikisew Cree aamma The Frog Lake First Nations, inatsisip ilaata allanngortinnissaa anguniarlugu, Canadami naalakkersuisut eqqartuussivinnut maanna suliassanngortippaat. Pisuussutinik atuinissamut inerisaanikkut suliniutinik aallartisaanissaq pisariinnerulersinniarlugu avatangiisinik naliliisarnerit allanngortinneqannginnissaat, inatsisikkullu eqqillit tusarniaqqaarnagit kuunnik killiliisinnaaneq atorunnaarsitsisisinnaanerlu eqqartuussivikkut qulakkeerusuppaat.

Naalakkersuisut kuussuit imartallu kisiisa illersornialerpaat, eqqillilli isumaqarput isumaqatigiissutitik naapertorlugit kuuit tamaasa; kuuit, kuunnguit tatsit allallu, isumaqatigiissutini allaqqaneratut, "qajarissamik angallavigineqarsinnaasut" tamaasa Canadami naalakkersuisut nakkutigalugillu illersortussaavaat.

Suliap eqqartuussiviit qullersaannut apuunneqarnissaa naatsorsuutigineqarpoq