Eqqiaasut qullersaata kalaallit ikiorumavai

ISSip Danmarkimi pisortaata Maarten van Engelandip kalaallit inuusuttut Danmarkimiittut suliffissaannik ikiorniarpai. Peqatigiiffiup Foreningen Grønlandske Børn-ip nutaarsiassaani taama ilisimatitsivoq.

Maarten van Engeland qanittumi peqatigiiffimmi Foreningen Grønlandske Børn-imi ambassadørinngorpoq. Taanna isumaqarpoq kalaallit Danmarkimi atugarliortut soqutigineqarnerunissaannut sunniuteqaqataasinnaalluni tusagassiutit aamma inuussutissarsiormi pisortat attavigisakkani atorlugit. Taamaasilluni eqqaasitsissutigisarsinnaanerarpaa sulisussarsiortoqartillugu kalaallit eqqumaffigineqartassasut.

Taassuma siulittaasuuffigaa Virksomhedsforum for Socialt ansvar, tassa suliffeqarfiit isumaginninneq pillugu akisussaaqataanerannik suliaqartoq. Taanna aqqutigalugu inuussutissarsiornermi suliffeqarfippassuit attavigisarpai.

Peqatigiiffik siulittaasuuffigisaa suliffeqarfinnut 2.000-inut siunnersuilluni attaveqartarpoq.

- Suliffeqarfiit arlalissuit piumassuseqarput kalaallit inuusuttut atugarissaarpallanngitsut eqqumaffiginissaannut. Ilinniarfissaannik ikiorsinnaavagut misiliummik suliffissaqartillugit immitsinnut oqarfigaluta: Kalaallit meerartaat puigorniaqinagisigik, Maarten van Engeland oqarpoq.

ISS Kalaallit Nunaanni 300-400-nik sulisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat