Eqqartuussut ingerlateqqippaa

Nuummi Blok 14-imi, juulliaqqap ullaavani toqutsinermut atatillugu angutip 42-nik ukiullip ukiup aappaa avillugu pineqaatissinneqarsimasunut inissiisarfianittussanngorlugu Nummi eqqartuussivimmi eqqartuunneqartup, suliassaq Nunatta Eqqartuussivianut ingerlateqqippaa.
marsip 05-at 2010 04:16

Eqqartuussineq, Nuummi eqqartuussivimmi februaarip ulluisa 19-ianni aalajangerneqarmat, angutit marluk toqumik kinguneqartumik nakuusersimasutut unnerluussaapput. Angut 42-nik ukiulik taamanili sapaatip akunnerini marlunni eqqarsarfissaqarsimavoq, eqqartuussullu tassa maanna Nunatta Eqqartuussivianut ingerlateqqippaa. Sermitsiaq.ag-ip nittartagaani tamanna allaaserineqarpoq.

Unnerluunneqartup aappaa, angut 37-nik ukiulik, pinngitsuutitaavoq. Pinngitsuutitaanerali unnerluussisunit Nunatta Eqqartuussivianut ingerlateqqinneqarpoq, 37-nillu ukiulik marsip ulluisa 18-iata tungaanut tigummigallagaalluni.

Angutip 42-nik ukiullip najugaqarfigisaata matua aserorlugu angut 34-nik ukiulik juulliaqqap ullaavani iserpoq, kingornalu angutip 42-nik ukiullip 34-nik ukiulik niuatigut timmiarsiummik aallaavaa, kingorna toqqutigisaanik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq