Eqqartuussiviit akiliisitsisalissapput

Eqqartuussiviup aalajangigaanik akiliisitsiniartarnerit politiinut isumagisassanngortinneqartartut, aalajangersimasumilli periuseqarfiunngitsut, eqqartuussiveqarfinnit ukiortaamiit isumagineqartalissapput.
Allattoq Else Løvstrøm
novembarip 24-at 2009 07:22

Allaffimmiut eqqartuussivinni sulisut akiliisitsiniarnermik isumaginnissinnaanngortillugit pikkorissartinneqaleruttorput.

Ukiumut eqqartuussinerit 4.000-it missaat akiligassiinermik kinguneqartarput.

Akiliisitsiniarnerit taamaattut namminneq isumagigunikkit tulluunnerutillugu, Nunatta eqqartuussiviani eqqartuussisoq Thomas Trier Hansen oqarpoq.

Akiliisitsiniartarnerit Danmarkimi aamma taamaatut ingerlanneqarput.

- Naaffeqartumik akileraarnissaq isumagineqarsimanngikkaangat, biili, illu, imaluunniit sunaluunniit pigisaq nalilik pinngitsaaliissummik tuniniarneqarsinnaanngussaaq, taamaasillunilu inuit akiitsoqarfigineqartut akilerneqarsinnaanngussallutik, Thomas Trier Hansen oqarpoq.

Akilersuititsiniarnerilli ajornartorsiortitsisimappata eqqartuussisoq aqqutigalugu iliuuseqaqqittoqartassasoq erseqqissaatigaa.

Ineqarnermut akiligassallit inissianiillu anisitsinerit politiinit suli isumagineqaannassasut oqaatigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq