Eqqartuussiveqarneq tigorusuppaat

Savalimmiuni oqartussat eqqartuussiveqarneq tamakkiisumik oqartussaaffigilerusuppaat, savalimmiuni eqqartuussiviit akimanersaanni Landsrettimi, savalimmiormiut oqaasiisa atorneqarsinnaannginneri kiisalu eqqartuussisut savalimmiormiusut paasisinnaannginnerat qatsulluinnaramikku. Savalimmiuni namminersulerniat partiiata siunnersuutigeqqammerpaa eqqartuussiveqarnerup Savalimmiuni oqartussanit tiguneqarnissaa. Savalimmiuni eqqartuussiveqarneq Kalaallit Nunaanisulli Danmarkimit oqartussaaffgineqarpoq.

Savalimmiuni namminersulerniat partiiannit iluarineqanngilaq eqqartuussisut utoqqalereernikuugajuttut savalimmiormiutullu paasisinnaanngitsut taamaattumillu savalimmiuni pissutsinik paasinnissinnaanngitsut pingaarutilinni aalajangiijartortinneqartarneri. Namminersulerniat partiaannit aamma tunngavilersuutigineqarpoq eqqartuussivinni sunik tamanik danskisuunngortitsisarnerup akisuallaarnerujussua.