Eqqartuussiveqarneq ingerlanerluppallaaqaaq
Tamanna pivoq parnaarussanut pulaartartut Middelfartimi pikkorissartinneqarmata.
Piffissami killilerneqarsimanngitsumi parnaarunneqartarneq inuppalaanngitsuusoq parnaarussanut pulaartartut salliutillugu isornartorsiorpaat:
- Ilaquttaminnut kammalaatiminnullu ungasissumiipput, amerlanerpaartaat qallunaatut oqalunneq ajorput danskillu inooriaasiat kulturiallu ilisimasaqarfiginagu. Kalaallit parnaarunneqartartut Kalaallit Nunaanniittarnissaat Danmarkip qangali isumagisussaasimagaluarpaa, tamannalu isornartuuvoq ajorluinnarlunilu.
Aamma pissutsit suunngitsunnguit aaqqitassaapput:
- Eqqartuunneqarnissamik ulluliinissaq ajornartupilussuusarpoq, tamannalu pulaartartuusugut ataasiaannarata misigisarparput. Kalaallit Nunaanni eqqartuussiveqarfimmut saaffiginnissutigut akineqarneq ajorpulluunniit.
Tamakku ilaatigut patsisigalugit parnaarussanut pulaartartut Kalaallit Nunaanni eqqartuussiveqarneq ingerlanerlunnerarpaat.
Parnaarussaaqqasunut pulaartartut malillugit kalaallit 19-nit maanna Herstedvesterimiipput.