Eqqartuussisulersuussiniarneq unitsippaat
Puisi A/S pillugu eqqartuussisulersuussinermi unnerluutigineqartut Lars-Emil Johansen, Jess. G. Berthelsen aammalu kukkunersiusoq Ole Hansen aalajangerput eqqartuussissuserisup Wilhelm Mallingip eqqartuussisulersuunniarnerigalua unitsillugu.
Allattoq Jaaku Lyberth
februaarip 03-at 2011 06:08
Radioaviisimi marlunngornermi oqaluttuarineqarpoq Lars-Emil Johansen, Jess. G. Berthelsen aammalu kukkunersiusoq Ole Hansen ullumi pineqaatissinneqarunik Puisi a/s sinnerlugu eqqartuussissuserisumut Mallingimut suliassanngortitsiniartut.
Tamannali eqqunngilaq. Eqqartuunneqartut tamarmiullutik eqqartuussissuserisumut Malling-imut suliassanngortitsinissaq juulli sioqqullugu tunuartikkaat, Wilhelm Malling nalunaarpoq.
