Eqqartuussinerit pitsanngoriaateqarnissaat IA-p neriuutigigaa
Illersuisuunertulli ullup ilaannaa suliaammat, tassani atuuffeqalertup suliassani piffissarititaasup iluani naammassisinaanerai apeqquserpaa.
- Atorfik taanna nutaajuvoq, aningaasat immikkoortinneqartut naammannersut tiimilluunniit sulinermini atugassai naammannersut naluarput. Atorfik ullup ilaannaani suliffissaavoq, illersuisartullu pitsaanerusumik atugaqalernissaasa qulakkeernissaannut piffissaq naammanngilaq, Aaja Chemnitz Larsen taama oqarpoq.
Naapinniartut
Taassumalu illersuisuuninngortoq Finn Meinel Nuummi qanittukkut ataatsimeeqatigissamaarpaa.
Oqaloqatigiissutigisassatillu ima oqaluttuarai:
- Illersuisuunerup sulernermini atugassai aamma nunatsinnut nunatsinnilu illersuisartunut iluaqutaasumik pitsaasumillu suleqatigiinnissaq qanoq ililluta qulakkeersinnavarput?, Folketingimut ilaasortaq taama oqarpoq.
AAMMA ATUARUK Illersuisuuneqalerneratigut illersuisuusartut iliniartitaanerat aaqqissuussaanerulissaaq
Atuuffiulli inuttaqalernera eqqartuussisarnerit qularnaannerulernissaannik kinguneqassasoq qularutiginngilaa.
- Neriuppunga eqqartuussissarnerit pitsanngoriaateqassasut. Eqqartuussivimmiikkaannilu eeqqartuussiveqarfiup tatigisinnaanissaa pingaartuuvoq, qularutigisariaqarnagulu tamatuminnga suliallit pitsaasumik suliarinnissinnaasut. Tamannalu Illersuisuunerup qulakkerinneqataaffigisinnaavaa, Aaja Chemnitz Larsen taama oqarpoq.