Eqqartussisuserisumik ikiorteqarsinnaaneq eqquteqqinneqalerpoq

Nunatsinni eqqartuussisuunerup siornatigut innuttaasut pissakilliornerit eqqartuussivilersuussinermi ikiornissaannik neqeroorfigisinnaasaraluarpai. Aaqqissuussineq tamanna eqqartuussisarnermik inatsimmi nutaami taamaatinneqarpoq Danmarkimilu inatsisinik atortitsinermut ministereqarfiup aaqqissuussinermut taartissaq suli pilersinnagu.

Tamanna inatsisilerituut suleqatigiit nuna tamakkerlugu eqqartuussivilersuussinermut sullissiveqarfimmik pilersitsiviginialerpaat.

Sullissiveqarfiup ateraa IKIU - Kalaallit Nunaannilu akeqanngitsumik suliamik ingerlatsinermut aningaasaqarnikkut piumasaqaatit eqqortillugit inatsisilerituutut akeqanngitsumik kikkunnut tamanut siunnersuisassalluni.

Nuna tamakkerlugu inatsisitigut eqqartuussivimmi siunnersuisarfik IKIU-mik taaguuteqartoq pilersinneqarpoq.

Eqqartuussisarnermi inatsit nutarterneqarmalli eqqartuussivimmi innuttaasut siunnersorneqartarnerat unitsinneqarpoq.

Siunnersuisarfittaaq inatsiseqarnermut ministeriaqarfianit aapriilip 20-ani akuerineqarpoq.

Innuttaasut akeqanngitsumik siunnersorneqarsinnaalerput.

IKIU arlaannaanut attuumasseqanngitsumik siulersuisoqarpoq, taakkunani inuttaallutik: Tarnip pissusaanik ilisimasalik, Nauja Nathanielsen, Mille Søvndal Pedersen aamma eqqartuussisoq, Thomas Trier Hansen.

Siunnersuisarfik IKIU eqqartuussisuserisut INA:NUNA-mi allaffeqarfeqarpoq. eqqartuussisuserisut allat aamma siunnersuisarnerni suleqataasassapput.

Siunnersuisarfik IKIU-mi allatsitut pisortaq sulisorineqassaaq kiisalu kajumissitsiminnillu siunnersuisartut sulisorineqartassallutik. Allaffik ullaakkut qulingiluanit tallimat tungaanut ammasassaaq.

Oqaloqatiginnilluni siunnersuisarnerit juunip aallartinnerani aallartissinnaanissaat pilersaarutigineqartoq, siulersuisuni siulittaasoq, Anders Meilvang oqarpoq.

Siunnersuisarfimmit IKIU-mit neriuutigineqarpoq inatsisilerittut arlallit siunnersuisartussatut nalunaarumaartut.