Eqqagassat pillugit paasititsiniaaneq Tasiilami aallartinneqarpoq
Tasiilami Alivarpimmi 7.x-it ilagalugit paasititsiniaaneq Kalaallit Nunaat tamakkerlugu pinngortitap illoqarfiillu minguinnerulernissaannik kinguneqartussaq nutaamik aallartinneqartoq malunnartinniarlugu, Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko portusuumik pissikkami angerlarsimavoq. Naalakkersuisut tusagassiorfinnut nalunaarummi ilaatigut taama allaaserisaqarput.
Paasititsiniaaneq siorna aallartinneqarpoq, maannalu tassa nanginneqarluni:
- Inuit amerlanerusut eqqaavinnik atuisalersimasut, aammalu inuit pinngortitamiikkaangamik eqqakkaminnik katersuisalersimasut maluginiarpara. Tamanna pitsassuuvoq, ineriartornerlu taanna ingerlaqqissaaq, Avatangiisinut Naalakkersuisoq Mala Høy Kúko oqarpoq.
AAMMA ATUARUK Paasisitsiniaaneq Qujanaq aallartinneqarpoq
Julie Berthelsenip erinarsugaa "Qujanaq" Tasiilami 7.x-it ilikkarsimavaat, isumaallu ersarippoq: Pinngortitaq minguitsuutissavarput, Naalakkersuisut ilaatigut allapput.
Avatangiisit minguinnerulernissaannut pitsaanerpaamik isumassarsiarsinnaasut pillugit unammisitsisoqarnerani 10.000 koruuninik eqquisoqarsinnaavoq, Facebookimilu qupperneq "Qujanaq" aqqutigalugu unammisitsisoqassalluni.