Eqqaavissuaqarfiit eqqaanni imaani mingutsitsisoqarpoq
Nunatsinni eqqaavissuaqarfiit eqqaanni imaani avatangiisivut aqerlunik kiisalu akuutissanik arrortikkuminaatsunik, PCB-mik, takussutissartaqartut nassaarfigineqarsimapput, ataatsimulli isigalugu imaani avatangiisitta akuutissanik arrortikkuminaatsunik nassaarfigineqarsimanerat ima annikitsigaaq, annertussusilersueriaaseq malillugu
” Sunniuteqanngitsumik annikitsuinnarmik mingutsitsinermik” taaneqartariaqarluni.
Danmarkimi Avatangiisit pillugit Misissuisoqarfimmeersut Nunatsinni illoqarfiit sisamat eqqaavissuaqarfiisa imartaasa avatangiisaannik misissuineranni inernerit taakkua paasineqarput.
Misissuisoqarfimmeersut uillunik qeqqussanillu misissuinerisa takutippaat, misissorneqartut saffiugassanik oqimaatsunik eqqagarpassuarniillu pisunit mingutsitsiffigineqarsimasut.
Misissuinerit takutippaat eqqaavissuaqarfiit imartaasa avatangiisaannik eqqagarpassuarnit mingutsitsinerit ima annikitsigisut, ”Sunniuteqanngitsumik annikitsuinnarmik mingutsitsinertut” taaneqartariaqarlutik, annertussusilersuinermi norskit imartat avatangiisaannik mingutsitsinernut annertussusilersueriaasiat malillugu misissuinerit ingerlanneqarsimapput. Aqerloq kiisalu akuutissat arrortikkuminaatsut tassaapput mingutsitsiffiusartuni misissuinertigut takussutissartaqarfiunerpaasartut. Danmarkimi Avatangiisit pillugit Misissuiffiup eqqaavissuaqarfiit misissuiffigisimasai inoqarfinni makkunani tigusiffigineqarsimapput; Eqalugaarsuit, Nanortalik, Attu kiisalu Aasíaat. Misissuineq ataatsimut isigalugu, Nanortalimmi mingutsitsineq annertunerpaasimavoq.
