Eqqaavippalaaq tusarniarneqarsinnaasoq

Eqqaavissuaq qanoq nipeqarpa?...anartarfiilluunniit kuuffii? Apeqqutit qaqutigoortut Nuummi Eqqumiitsuliamik saqqummersitsivimmi ulluni tullerni akissutisineqarsinnaapput.
Assi © : Mads Pedersen/KNR
Allattoq Karsten Sommer
aggustip 10-at 2019 11:56
Nutserisoq Ane-Marie Petersen

Nipinik eqqumiitsuliortartoq Jacob Kirkegaard Nuummi eqqaaviit eqqakkallu kuuffii immiullugit saqqummersilerpai. Taanna eqqakkanik, erngup kuuffianit, eqqakkanillu immikkoortiterinermi saliutinillu nipinik Danmarkimi Letlandimilu, nunarsuarmilu eqqaavissuarni annersaasa ilaannit; Dandora Nairobi, Kenyamiittumit immiussinikuuvoq.

Tassa maanna Nuummiut eqqagaat aamma tusarnaarneqarsinnaanngorput Jacob Kirkegaardip immiussissutini eqqaavippassuarnut, kuuit mingutsinneqarsimasut nipaat immiunneqarsimanngisaannartunik immiussisaqattaartarpoq.

Nuummi eqqaavippaluup saniatigut eqqumiitsuliaq TESTIMONIUM aamma saqqummersinneqassaaq. Nunatsinnit ungasissorsuarmit eqqaaviit nipaasa immiunneqarneri.

Jacob Kirkegaardip saqqummersitsinera augustip 11-ata tungaanut takuniarneqarsinnaapput, imaluunniit tusarniarneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq