Eqqaavilerisunut siunnersortimik tikeraartoqassaaq
Nunatsinni eqqaaviit tamarmik torersarneqartariaqarput. Eqqakkat savimerngit passunneqarnissaat ilinniarneqassaaq, taamaammat kommunit ataasiakkaat aggustimi septembarimilu eqqaavilerisunut siunnersortimit tikeraarneqassapput:
Savimerngup akia qaffasissorujussuuvoq, biilikut, containerikut eqqakkallu allat savimerngit peerniarlugit kommunit massakkut iliuuseqartariaqarlutik.
Eqqakkat akikitsumik piiarneqarsinnaanissaat siunniunneqarpoq.
- Kommunit aggustimi septembarimilu tikeraarneqarpata eqqakkat savimerngit qanoq ajornartorsiutaatiginersut paasiniarneqassaaq, KANUKOKA-mi suliniutinut siunnersortip Kitte Vinther-Jensenip oqaatigaa.
Eqqakkat ilumut peerneqarsinnaassanersut paasiniarneqartussaassaaq, soorluttaaq eqqakkat sorpiaanersut paaserusunneqarluni.
Eqqakkat piiarneqarnissaat akisussagunaraluaqisoq, nunarsuarmi savimerngup akianut naleqqiullugu eqqakkanik saviminiusunik piiaanissaq akilersinnaalluartoq, Kitte Vinther-Jensen oqarpoq, saviminernilli eqqakkanik passussinerup iluanaarutaasinnaanissaa ilimanaateqannginnerarpaa.
Eqqakkanik piiaasinnanissamik misissuinissaq Pinngortitamut avatangiisinullu pisortaqarfimmit kommuninillu akilerneqassaaq.
