Eqqaaviit salinneqarnissaat ilinniarneqalissaaq

Nunatsinni saviminikunut saffiugassanullu eqqaavinnik saliisartussanik sumiiffinni assigiinngitsuni najugallit ilinniartinneqartalissapput.

Saviminikunik saffiugassanillu eqqagassanik misissuisoqarnissaanut atatillugu KANUKOKA taama nalunaaruteqarpoq.

Nunarput tamakkerlugu saviminikunik saffiugassanillu saliinissap qanoq akeqarnissaata misissorneqarnissaa pillugu, Carl Bro A/S Kommuneqarfiit kattuffiata isumaqatigiissuteqarfigaa. Tamanna aamma isumaqarpoq eqqaaveqarfinni sulisut saviminikunik immikkoortiterisalerisalissasut.

Kommunini eqqaavinni saliinissamut tunngaviuvoq, nunarsuarmi saviminerngit akii aatsaat taama qaffasitsigimmata, taamaammallu eqqagassanik piianissaq massakkut akilersinnaalluarluni.

Saviminerngit akii qaffasingaarmata, kommunit arlallit eqqaavilerisunit saaffigineqartarsimapput, saviminernik akisuunik piserusuttunik.

Tamannali itigartinneqartarsimavoq, KANUKOKA-p nammineq savimerngit piiarusummagit, eqqagassat akikinnerit, soorlu biilikorsuit, ilanngullugit.

KANUKOKA-p naatsorsuutigaa eqqagassanik immikkoortiterineq aappaagu aasakkut aallartinneqassasoq.