Eqalussuarniaq eqqartuussaalerpoq

Eqalussuit sulussugutaat piinnarlugit piniarneqartarnerat qaammat kingulleq EU-mi oqallisaasupilussuuvoq, malittarisassallu nutaat eqqunneqarlutik. Aamma Canadami eqalussuit immikkut sammineqalerput. Canadamiu aalisartoq aqagu eqqartuussivimmut sassartinneqassaaq, ilaatigut eqalussuarnik paperuiaasarsimanini unnerluussussutigalugu, CBC nalunaarpoq.
Allattoq Martine Lind Krebs, Simon Uldum
decembarip 04-at 2012 07:34

Unnerluussut naapertorlugu aalisartoq suliffeqarfimmi Pangnirtung Fisheries Limitedimi sulinermini eqalussuarnik ningittakkanut nermussuussimasunik paperuiaasarsimavoq. Eqalussuarnik saniatigut pisaqartarneq Canadami oquutaasanik aalisarnermi ajornartorsiutigineqartupilussuuvoq. 2003-mi missingiuinikkut eqalussuarnik saniatigut pisat ukioq taanna 93 tonsiusimanissaat nalilerneqarpoq.

Aalisartut eqalussuit uumatillugit avalatseqqittartussaagaluarput, amerlanertigulli paperuinut ningittakkat allunaasartaat metererpassuit nermussuussimasarlutik. Ilisimatuut eqalussuaq 1000 kilot tungaannut oqimaatsigilersartoq ilisimasaqarpallaanngilaat, Nunavumili Avatangiisinut naalakkersuisoqarfik naapertorlugu saniatigut pisarisartakkat eqalussuaqassutsimut malunnaatilimmik ajornartorsiutaanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq