Eqalussuarmit nerisaangajattoq
januaarip 28-at 2007 17:01
Australiami Sydney-mi aqqartartoq eqalussuarmut nerisaangajalluinnarsimavoq.
Aqqartartoq immap iluani 8 meterisut ititigisumiilluni eqalussuarmit 3 meterisut angitigisumit saassunneqariataarsimavoq. Eqalussuup aqqartartoq oqummiussimavaa aqqartartup niaqua siullinngorlugu.
Aqqartartulli tallimi aappaa eqalussuup qarngata silataanut anillatsissinnaasimavaa, taamaalilluni eqalussuup isaata illua assammi inuaanik toortarsinnaasimallugu, taamaalillunilu eqalussuaq aatsaqqissimavoq aqqartartorlu anillaqqissinnaasimalluni.
Oqaatigineqarpoq aqqartartup eqalussuarmit oqummiunneqaraluarnera minutsini arlalinni ingerlasimasoq. Aqqartartoq annaanneqarsimavoq napparsimavimmilugooq massakkut uninngavoq.
