Galathea-mik taallugu ilisimasassarsiorlutik angalaqatigiit ilaat eqalussuarmit saassunneqareerluni, Equador-imi napparsimaviit ilaannut ingerlanneqarsimammat. Ilisimasassarsioqataasoq itisuumik eqalussuarmit kiineqarsimavoq.
Eqalussuarmit saassutsittoq Galapagos-ip qeqertaaraasa eqqaaniitilluni, gummibådimiit aqqarnermini eqalussuarmit saassutsissimavoq, oqaatigineqarporli ajoquserujussuarsimanngitsoq.
Ilisimasassarsioqataasoq talimigut eqalussuarmit kiineqarsimavoq, tuaviinnarlu Santa Cruz-ip tungaanut ingerlanneqarsimalluni, tassanilu nakorsamit ikiorserneqarsinnaasimavoq.
Eqalussuarmit kiitittup talia ajoquserujussuarsimanngimmat pisarnermisut talini atorsinnaagaa oqaatigineqarpoq, sulilu kinaanera oqaatigiumaneqanngikkallarluni.