Eqaluk Høegh Inatsisartunut suliartoqqittoq
Eqaluk Høegh siorna uippakajaarnermik nalaataqarnermi kingorna naalakkersuisutut augustimi tunuartoq Inatsisartuniillu aamma sulinngiffeqartoq, qinikkatut maanna suleqqilerpoq. Taanna ukiumi nutaamit Inatsisartunut ilaasortanngoqqippoq.
Inatsisartunut ilaasortatut ukiup naanissaata tungaanut sulinngiffeqareerluni taamaalilluni ukiumi nutaami Inatsisartunut ilaasortanngoqqippoq.
Eqaluk Høegh Inatsisartutut atuuffeqaqqilersimasoq Inatsisartut nittartagaani takuneqarsinnaavoq. Tamanna Inuit Ataqatigiinniit aamma uppernarsarneqarpoq.
Uippakajaarnerminit naalakkersuisunit tunuartoq
Eqaluk Høegh Inatsisartunut apriilip arferngani qinersinermi 649-nik taaguunneqarluni Inatsisartunut qinigaavoq. Meeqqanut, Inuusuttunut, Ilaqutariinnut Inatsiseqarnermullu Naalakkersuisutut sulisussanngorami Inatsisartunit sulinngiffeqalerluni.
AAMMA ATUARUK Eqaluk Høegh naalakkersuisutut tunuarpoq
Uippakajaarnermilli eqqugaanini pissutigalugu siorna aggustip 27-ani meeqqanut, inuusuttunut ilaqutariinnullu naalakkersuisutut tunuarpoq. Tamannali sioqqullugu naalakkersuisunngornerminiit qaammatialuinnaat qaangiuttut uippakajaarnermik eqqugaammat.
Inatsiseqarnermut naalakkersuisoqarfik Naaja Nathanielsenip akisussaaffigilerpaa.
Eqaluk Høegh Inatsisartunut ilaasortatut sulinngiffeqarnerani sinniisutut Mariia Simonsen Inatsisartunut ilaasortaavoq.
Eqaluk Høeghip Inatsisartunut ilaasortanngoqqinnera pillugu apersorusukkaluarparput, saaffiginnissutigulli suli akinngilai. Inatsisartut ukioq manna upernaakkut ataatsimiinnerat marsip 21-ani aallartissaaq.
