Eqaluit Nuullu akornanni timmisartuussisalernissaq eqqartorpaat
Nalakkersuisut siulitaasuata Hans Enoksenip Nunavummilu naalakkersuisut siulitaasuata Paul Okaliup Eqaluit Nuullu akornanni timmisartuussisarsinnaaneq eqqartorpaat Sermitsiaq.gl allappoq.
Nuup Iqaluillu akornanni timmisartuussioqartalernissaa Nunavummiut kissaatigisorujussuuaat. Naalakkersuisut siulittaasuat Paul Okalik naapertorlugu illoqarfiit marluk taakku akornanni timmisartuussisalernissaq kilisaatinut Nunavummeersunut iluaqutaasorujussuussaaq, taamaalillutik kilisaatit inuttatik St.Johns-imukarteqqaarnagit Nuummi taarsersinnaalissavaat. St. Johns-imukarneq ullunik marlunnik sivisussuseqartarpoq Nuummulli ulloq ataasiinnaq atorneqarsinnaavoq.
Naalakkersuisut siulittaasuisa Paul Okaliup aamma Hans Enoksenip ataatsimeereernerminni timmisartuussisalersinnaaneq ajornassannginnersoq misissortinniarlugu isumaqatigiissutigaat. Ukiaru Inatsisartut ataatsimiinneranni Naalakkersuisunut ilaasortap Kim Kielsenip angallanneq pillugu nalunaarusiaq saqqummiutissavaa. Tamatuma saniatigut Qeqertaalummi Labradorimilu angallannermi pissutsit pillugit pisortaqarfinnit nalunaarusiaq saqqummersinneqangagajalerpoq, tassani timmisartuussisoqartalersinnaanermut periarfissat misissorneqarsimapput. Nalunaarusiaq ukiaru Nuummi saqqummiunneqassaaq, tassanilu nunatsinni mittarfinnut akitsuutit akisoqisut ilaatigut uparuartorneqassasut Sermitsiaq.gl-imi allapoq.
