Enoksenip partiiliaa akuerineqarpoq
Partii Naleraq tulliani Inatsisartunut qinersisoqalerpat qinigassanngortissinnaasutut akuerineqarpoq. Qinersinermi inatsisip § 11, imm. 2 naapertorlugu minnerpaamik partiinngornissamut nalunaarutinik atorsinnaasunik 964-nik Hans Enoksenip tunniussaqarneratigut tamanna pisinnaanngorpoq.
Allattoq Peter Troelsen, Simon Uldum
Hans Enoksenip Siumumi parteeqatigisimasai Hans Enoksen malillugu Partii Naleqqamut ilaasortanngussanersut pissanganassaaq. Siumup avannaani ilaasortaatitaata ilai ilaasortanngoratarsinnaanissaat ilimanarsinnaavoq. Taakkumi ilaatigut Siumup aalisarnermut politikkia illuatungilertarsimavaat.