Enoksen: Nukissiorfiit ingerlatseqatigiiffinngortinneqarnissaat tunngavissaqarluarpoq
Nukissiorfiit ingerlatseqatigiiffinngortinneqarnissaat tunngavissaqarluartoq, naalakkersuisut siulittaasuata kommunerujussuanngortussani borgmesteriusussanik ippassaq ataatsimeeqateqarnerani naqissuserneqarpoq.
Allattoq Louise M. Kleemann
Nukissiorfimmut piginnittuunermut apeqqut pillugu Ikaarsaariarnermut Ataatsimiititaliat tusarniarneqassasut, Naalakkersuisut siulittaasuata Hans Enoksenip Ikaarsaariarnermut Ataatsimiititaliat isumaqatigiissuteqarfigai.
Taamatuttaaq akinik aalajangersaanermi sunniuteqaqataanissaat siunissami anguniarneqassaaq, A/S Inissiaatileqatigiiffiup kommuninit aqunneqalernissaa pillugu pilersaarutinut ilaavoq.