Enoksen aamma Marø kujataanukarput

Naalakkersuisut siulittaasuat Hans Enoksen, Ilaqutariinermilu naalakkersuisoq Tommy Marø, kujataani tikeraarlutik ullumi aallartipput. Tikeraarnissaq sapaatip akunnerata uuma siulianili pisussaagaluarpoq, Arctic Umiaq Line-illi siunissaata oqaluuserinissaa pingaartinneqarmat tikeraarnissaq kinguartinneqarluni.

Narsaq, Qaqortoq, Nanortalik Alluitsup paalu tikinneqassasut Hans Enoksen oqarpoq. Tikinneqartussani politikerit atorfillillu naapinnerisa saniatigut inunnik isumaginninnerup ataani angerlarsimaffiit, soorlu utoqqaat illui, innarluutillit ineqarfii, meeqqat orniguttarfii, suliffeqarfiillu assigiingitsut pulaarneqassapput, tikiffinnilu tamani innuttaasunik ataatsimiititsoqartassalluni.

Narsami innuttaasut unnugu arfineq marlunut ataatsimiitinneqassapput. Narsami tikeraarneq aqagu naggaserlugu kommunimi inunnik isumaginninnermi, suliffissaqartitsiniarnermilu ataatsimiitsitaliaq ataatsimeeqatigineqareerpata, kommunalbestyrelsi aamma ataatsimeeqatigineqartussaavoq.

Hans Enoksen aamma Tommy Marø aqagu Qaqortumut ingerlaqqissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat