Naartuersissinnaaneq USA-mi West Virginiami inerteqqutiginiaraat

West Virginiap guvernøria naartuersittarnerup inerteqqutaalernissaanut inatsisissaq atsiussappagu, amerikamiut naalagaaffiisa naartuersissinnaanermik inerteqqutillit ataatsimik amerlissapput.
Naartuersittoqarsinnaavorli ilaqutaasoq naartutitsilersimappat, pinngitsaaliisoqarsimatillugu aamma naartuneq peqqissutsimut akornutaasinnaasoq paasineqarpat. Assi © : Chris Dorst/AP/Ritzau Scanpix
Allattoq Ritzau
septembarip 14-at 2022 09:39
Nutserisoq Apollo Jeremiassen

Amerikamiut naalagaaffiisa ilaanni West Virginiami naartuissittarneq inerteqqutaalissasoq oqartussanit aalajangerneqarpoq.

Nutaarsiassaqartitsivik Reuters taama allappoq.

Naartuersittarnerup inerteqqutaalernissaa pillugu  West Virginiami guvernøri, Jim Justice inatsisissamut atsiortuussasoq, nutaarsiassaqartitsivik alla AP allappoq.

Naartuersittoqarsinnaavorli ilaqutaasoq naartutitsilersimappat, pinngitsaaliisoqarsimatillugu aamma naartuneq peqqissutsimut akornutaasinnaasoq paasineqarpat.

AAMMA ATUARUK Naartuersissinnaatitaaneq Kansasimi taasissutigineqartoq

Ilaqutaasup naartutitsilernerata kingorna imaluunniit pinngitsaaliinerup kingorna naartuersittoqarsinnaavoq nalunaaquttap akunneri 48-t qaangiutsinnagit tamanna politiinut aatsaat nalunaarutigineqarsimappat.

USA-mi arnat naartuersittarnissaannut pisinnaatitaaffik 1973-mi atuutussanngortinneqaraluarpoq, tamannali amerikamiut inatsisaannut allanneqarsimanngimmat, USA-mi eqqartuussiviit qullersaannit aatsaat ukioq manna junimi allanngortinneqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk