Illut oqaluuserineqaqisut Elna Egede-p Atuagagdliutini
sukumiisumik sammivai.
- Naalakkersuisut eqqartuussissuserisuminnut saaffiginnipput, Nuna Eqqartuussissuserisut attuumassuteqanngitsumik misissuinerat pillugu. Soorlu uagut inatsisilerituunut ikiortikkusukkutta taamaaliussagaluartugut, Elna Egede aviisimut Danmarkimi ullormut saqqummersartumut, Politikenimut, oqarpoq.
Politiit misissuinerisa inernerat Elna Egede-p maanna utaqqimaarpaa, oqarlunili taanna inatsisinut attuumassuteqanngitsoq, ileqqorissaarnermulli tunngasuulluni.
-Qanorluunniit iliortoqarsimagaluarpat ileqqorissaarneq naalakkersuinikkut aamma piuvoq. Illunik pisisut akikillisaavigineqarujussuarnikuupput, allat taama pineqarsinnaanngillat, akikillisaavigineqartullu tassaapput qaffasissumik atorfillit, Elna Egede Politikenimut oqarpoq, aviisimillu aperineqarpoq, pisoq Namminersornerullutik Oqartussani atorfillit ilaannut sunniuteqassanersoq ilimagineraa.
-Tamanna ilimaginngivippara. Pisormi matoorneqalereerpoq, Elna Egede akivoq.