Qeqertap Ellesmerep imartaanut kikkut oqartussaappat? Qeqertaq nunatta Canadallu oqartussaaffigerusutaat Hansip qeqertaa Ellesmerep imartaaniippoq.
Nunatta Canadallu killeqarfiannik assiliortussat Nunatsinneersut Canadameersullu 30-it angalanertik sapaatip-akunnerani matumani aallartissagaat, nutaarsiassaqartitsivik CBC tusarliussivoq.
Killeqarfimmik inissiinissaq siunertaralugu assiliortussat, Ellesmerep qeqertaani illoqarfimmi Alertimiit aallartissapput.
Ilisimatuut assiliortussat immap naqqanik sajuppillatsitsisarlutik nunavissuit toqqaviat Lomo-nosovip qattunersaanik taaneqartartumiittoq misissussavaat.