Ellen Christoffersen inissinneqanngilaq
Allattoq Jaaku Lyberth
Atassutip inatsisartunut ilaasortaatitaa Ellen Christoffersen siulittaasuminit Finn Karlsenimit inissinneqanngilaq, Atassulli sinnerlugu oqaaseqartartut ullumimit tassaalerput, partiip siulittaasua Finn Karlsen aamma Inatsisartut gruppeanni siulittaasoq Augusta Salling.
Ellen Christoffersenip imaatigut angallannerup aningaasassarsiuunneqarnissaanut partiini Atassut piareersimanerarlugu oqaaseqarsimanera Inatsisartut gruppeata ullaap tungaa oqaluuseraa.
Atassutip siulittaasua Finn Karlsen erseqqissaavoq, Naalakkersuisut siulittaasuat Hans Enoksen piumasaqaqqinniaruni toqqarluni saaffiginnittariaqartoq.