John Thorsen GBU-mi siulittaasunngortoq
Kalaallit Nunaanni Isikkamik Arsaattartut Kattuffiat - GBU Hotel Hans Egedemi sapaammi ataatsimeersuartitsivoq. Ataatsimeersuarnermi kattuffimmi siulittaasussamik nutaamik toqqaasoqarpoq.
Nunanut allanut unammisartunut sungiusaasoq, Tekle Ghebrelul Kalaallit Nunaanni Isikkamik Arsaattartut Kattuffiannit, GBU-mit amerlanerussuteqartunit juulimi soraarsitaavoq tamannalu aallaavigalugu kattuffik qitiutinneqarluni oqallittoqangaatsiarpoq.
AAMMA ATUARUK GBU-p siulittaasorigallagaa siulittaasussarsiornermi sassarnianngilaq
GBU-mi siuliuttaasuusimasup, John Thorsenip soraarsitsineq sakkortuumik qisuariarfigaa, tunuarneranillu kinguneqarluni.
Tamtumalu kingorna GBU-mi siulittaasup tullia, Gert Fleischer siulittaasunngorallarpoq. Gert Fleischer KNR-imut oqarpoq, nammineq siulittaasussarsiornermi ataatsimeersuarnermi sassarniarani.
Ataatsimeersuarnermili siulittaasuusimasoq John Thorsen unammillertaalu, Kent Kielsen siulittaasussarsiornermi sassarput. John Thorsenilu siulittaasunngortussatut toqqarneqarluni.
AAMMA ATUARUK GBU-mi siulittaasoq soraarsitsisoqareersoq tunuarpoq
GBU-mi siulersuisuni ilaasortanngortut tassaapput:
Finn Meinel, Nukannguaq Zeeb, Hans Frederik Olsen, Peter Frederik Olsen aamma Aqqaluk Petersen.
Sinniisut:
Oluf Olrik aamma David Janussen.
John Thorsen KNR-imi HR-imi pisortaavoq.