Eik Bank ajorluinnartumik inisseqqavoq

Aviisimi ullormut saqqummersartumi, Børsenimi, tamanna allaaserineqarpoq.

Aningaaserivik ilumut ajornartorsiortoq, aningaaserivimmi siulittaasortaap, Eikip Aningaasaateqarfiani siulittaasup tullerisimasaata, Odd Bjellvågip, nassuerutigaa.

- Aningaaserivimmut akiligassat 400 millionit koruuningajalluinnaapput, taakkulu akilersinnaanngilavut. Naluara arlaannik isumaqatigiissuteqarsinnaanersugut, nalunngisarpulli unaavoq, aningaasaateqarfik massakkorpiaq akiliisinnaassuseqanngitsoq, Odd Bjellvåg oqarpoq.

Aningaaseriviup akiligassai 2005-imi 27 millionit koruuniniit 2009-p naalernerani 412 millionit koruuninut qaffapput.

Aningaaserivimmut taassumalu Aningaasaateqarfianut aqutsisuusimasut pillugit Folketingimi partiinut attuumassuteqartunut Aningaasaqarnermut Inuussutissarsiornermullu ministeri, Brian Mikkelsen, aqagu pingasunngornermi nassuiaassaaq.

Suliffeqarfissuaq Finansiel Stabilitet aningaaseriviup ajutuunngitsiarnerani neriorsuigaluarpoq aningaaserivik ajornartorsiulissappat aningaasaliiniarluni.

Eikilli Aningaasaateqarfia sunaaffa taama amerlatigisunik tassa aningaasaateqanngilaq, ikiuutaasinnaananilu.