Egyptinimi VM-imut qanilliallak
Angutit assammik arsarlutik nunanut allanut unammisartuisa Amerikap nunavittaani pissartanngorniunnermi unamminermi Kalaallit Nunaat sisamassaa unammingami Uruguay 33-28-mik ajugaaffigaa, taamaalilluni Kalaallit nunaat Igitsinimi VM-eqarnissami peqataanissamut qanilliallappoq. Mexico Brasiliamut ajorsarmat Chile-lu Argentinamut ajorsamat Kalaallit taamaalillutik nr. 3-nngorput.
Ippassaq Uruguay-imut unammineq iluarisimaarluarlugu, nunanut allanut unammisartut sungiusaasuata Jakob andreassen-ip assammik arsartartut Kattuffianiit tusagassiuutinut nalunaarummini oqaatigaa.
-Holdi kusanartumik pilersaarutillu malillugit ullumi unammivoq, minutsit qulit kingulliit eqqaassanngikkaanni. Akutaaneq Kreutzmann Uruguay-imut unamminermi isertitsinerpaavoq, arfineq pingasunik isertitsigami, Aqqaluk Sørensen arfineq marlunnik isertitsisoq.
Ualeq nal. pingasuniik Kalaallit Nunaata Amerikap nunavittaani pissartanngorniunnermi unamminini kingulleq, tassalu Mexico-mut unamminini aallartippaa.
