Egyptenimi qinersipput

Igitsinimiut ullumi qinersiartukaappaata demokratii inuillu pisinnaatitaaffii apeqqusiisorujussuussapput.

Igitsinimiut qinersisartut nunap naalakkersuinikkut iluarsaanneqarnissaanut tunngasut arlallit taasissutigissavaat, taamaalillutik partiit illuatungiliuttut ilaat naalakkersuisut inerteqqutaatilersinnaassallugit.

Igitsinimi partiit illuatungiliuttut annerit tamarmik, soorlu Det Muslimske Brodersakabip, tapersersortitik kaamattorsimavaat ullumi qinersinermi akornusersueqqullugit, siumut takorlooreeramikku taasinernik peqquserluuteqartoqassasoq.

Illoqarfiit pingaarnersaanni Kairomi politiit sakkulersorluarsimaqisut untritilippassuit eqqissiviilliortoqalernissaa piarersimaffigaat. Akerliussutsimik takutitsinerit arlallit politiit ippassaq taamaatitippaat.

Partiit upperniarpallaat – soorlu Det Muslimske Broderskab – inerteqqutaatinneqalernissaa nunap iluarsaanneqarnissaanut allannguutit ilaatigut periarfissaqartilissavaa. Allannguutissat akuersissutigineqassappata peqqarniisaarnianut akiuiniarnermut immikkut piumasaqaat aamma atuutsinneqalissaaq, piumasaqaatillu taasssuma politiit pisinnaatissavai peqqarniisaarniatut pasisanik tigusarinnissinaanissaat.