Efterskolimi atuartut inuttut ineriartornissaat aallunneqarniarput

Villads Villadsenip Efterskoliani Qasigiannguaniittumi atuartussat siulliit aappaagu aggustimi aallartissapput, atuartullu 80-it inissaqartinneqassapput. Efterskolimi atuartut kalaallisut, danskisut tuluttullu ilinniartinneqarnerisigut suliamut tunngasunut aallussinerulersinnaanissaat, inuttullu ineriartornissaat, aallunneqarniarput.

Allattoq Louise M. Kleemann

oktobarip 07-at 2008 08:26

Villads Villadsenip Efterskoliata pisortaa, Rasmus Andersen, Radioaviisimut oqarpoq atuartut piginnaaneqarnerulersinniarneqartut efterskolimeereernermi atorsinnaasaminnik:

-Ilinniarnertuunngorniarfiit suliffeqarfiillu paasiniaavigalugit nuna tamakkerlugu angalareerpunga, paasisallu aallaavigalugit efterskolimik pilersitsiniarpugut, Rasmus Andersen erseqqissasavoq.

Asimi misigisassarsiortitsinerit immikkut qinerneqarsinnaassapput, soorluttaaq attaveqaqatigiinneq qarasaasialerinerlu qinerneqarsinnaassallutik.

Ilusilersuineq eqqumiitsuliornerlu immikkut aamma atuartitsissutigineqarsinnaalissapput.

Ukiumut atuarfiusumi 2009/2010-mi atualerniaraanni allatsinnissaq maanna ammaaffigineqarpoq. Allatsinnermut immersugassaq nittartagaanni aaneqarsinnaavoq.

Efterskolimi atuartut inuttut ineriartornissaat aallunneqarniarput

Aamma atuaruk