Efterskolep atissaa qaammatip tulliani aalajangiiffigineqassaaq
Efterskoliliornissamut pilersaarusiorneq Villads Villadsenimik taaguuteqartinneqarpoq, tamannalu ilaqutaasa akuersissuteqarnerisigut atorneqarpoq. Villads Villadsenip ilinniartitsisuunerata nalaani atuartitarisimasaa Nick Nielsen efterskolissap atissaa tapersersornagu qisuariarpoq. Sermitsiami atuartartut allagaanni aallagaqarluni qulequtserlugu ”Pinerluttup” efterskolia! Hr. Villadsen unataasarpoq, uangalu eqqaamasinnaavara Viilarsimoornissatsinnut annilaangasarnikooqalunga, Nick Nielsen allappoq, nangillunilu allappoq Villads Villadsenip atuakkiortuunera, ajoqiunera, ilinniartitsuunera allarpassuarnillu ingerlataqarnera pissutigalugu tamanna naammagiinnarneqartarsimasoq.
- Villads Villadsenip taamatut oqallisigineqarnera attortissutigeqaarput, Qasigiannguani borgmesteri Jess Svane oqarpoq.
Efterskolissap siulersuisussai qaammatip tulliani toqqarneqassapput.
Qasigiannguit Kommunianni borgmesteri Jess Svane, aamma Namminersornerullutik Oqartussat ilinniarititaanermut qullersaqarfiani allaffimmi pisortaq Andreas Olsen oqarput, nunatsinni efterskolerniarlutik qinnuteqartut 300-simasut 80-iinnaalli inissaqartinneqartut.
