Edmund Hillary naggammik najorpaat

Hillary-p, 88-inik ukioqarluni uummamminik unittoorluni januaarip ulluisa aqqarnanni toqusup, illerfia, Newzealandimi illoqarfimmi Aucklandimi oqaluffissuarmut ullaaq anngunneqarpoq, Edmund Hillaryllu illerfia matunagu kikkunnit tamanit takuneqarsinnaatillugu ataqqiniarneqarpoq.

Hillary siusinnerusukkut igutsaateqartuusimasoq, nunarsuaq tamakkerlugu tusaamaneqalerpoq, nepalimiu Mount Everest pillugu ilisimasaqarluartoq peqatigalugu Mount Everest qaqigamikku, qaarpiaanullu maajip ulluisa 29-anni 1953-imi qaqilluni.

Edmund Hillary Sikuiuitsumut Kujallermut Himalaya-milu qaqqarsuarnut arlaleriarluni ilisimasassarsiortarsimavoq, Nepalimilu innuttaasunut qaqqani najugalinnut assorsuaq ikiuussimalluni. Himalayami aningaasaateqarfeqarsimavoq, ukiumut 1½ millioni koruuninik isertitaqartartumik, aningaasallu taakku Nepalimi atuarfiliornernut, napparsimmaviliornernut ikaartarfiliornernullu atoneqartarsimapput.