Uumasunik illersuiniaqatigiiffimmeersut akiliisussanngortinneqartoq
Pineqartoq tassaavoq uumasunik illersuiniaqatigiffimmi Sea Shepherdimi ilaasortaaq arnaq, taassuma niisarnat savalimmiuni 2014-mi qimaatinnarsimagaluarpai.
Suliniaqatigiiffimmeersup arnap allat marluk peqatigalugit gummibåd sukkasuuliaq angallatigalugu niisarnat sinerissap qanitttuanit qimaatinniarsimagaluarpaat.
Nersutit peqqissuunissaannik siunnersuisoqatigiit oqarnerat naapertorlugu gummibåd atorlugu qimaatitsiniaanermi niiisarna annilaangatinneqangaatsiarsimapput ajoqusersorneqarlutillu, aviisi politiken taama allaaserisaqarpoq.
Uumasunik illersuiniaqatigiiffimmeersup eqqartuussisut aalajangernerat tulluusimaarutigaa.
- Inatsit uannut atortinneqarsimappat taava aamma savalimmiuni innutasunut atuussimassaaq, uumasunik illersuiniaqatigiiffimmi Sea Shepherdimeersoq taama oqarpoq.
Uumasunik illersuiniaqatigiiffiup tunngavilersuutigisai, savalimmiormiut niisarnarniartarnerminni periuserisartagaat assigiipput, savalimmiormiut niisarnat pisariniaraangamikkut sinerissap qanittuanut qimaatinniaramikkit.
Unnerluussisussaatitaasup aamma piumasarisimavaa, Sea Shepheardikkut niisarnanik qimaatitsiniarnerminni gummibåd atugaat arsaarinnissutigineqassasoq.
Gummibåd atorneqartoq 350.000 kr-nik naleqarpoq arsaarinnissutigineqarnissaannullu unnerluussisup piumasaa Torshavnemi eqqartuussivimmit itigartinneqarpoq.
AAMMA ATUARUK Niisarnatortarneq sukkoqalissutaasarpoq