Duisburgimi ajunaarneq pinerlunnertut naliligaavoq
Aningaasanik tigumatuneq taassuma pisuunerarpaa.
- Alianartumik ajunaarnerunngilaq, pinerlunneq-una, Marek Lieberberg aviisimut Süddeutschen Zeitungimut oqarpoq.
- Aningaasanik tigumatunerup kommunimi politikerit aaqqissuisullu pinerlutsippaat, nangilluni oqarpoq, aaqqissuussinerlu sungiussisimarpalunngitsumik aaqqissuussaatutut taallugu.
Ajunaartut 19-it kikkuunerannik paasiniaanertik politiit ippassaq naammassivaat.
Nunani allamiut ajunaartut arfineq-pingasuusut qallunaartaqanngillat, ajunaartunilli aqqanillit tyskiupput, Nordrhein-Westfalenimeersut, Niedersachsenimeersut aamma Bremenimeersut.
Ajunaartut nunani allamiut pingasut Tysklandimi najugaqarsimapput. Taakku arnaapput pingasut, kinamiu ataaseq spaniamiullu marluk.
Nunani allamiut sinneri tassaapput australiamiu ataaseq, hollandimiu ataaseq, italiamiu ataaseq taavalu bosniamiu ataaseq.