DSB-mut akikilliliissut aamma kalaallinut atuutissaaq

Folketingimut ilaasortap Lars-Emil Johansenip aamma DSB-p qullersaqarfiata ataatsimeeqatigeereernerisigut Danmarkimi kalaallit ilinniartut Danmarkimi qimuttuitsuni angalanerminni aamma akikilliliiffigineqarsinnaalissapput.
Allattoq Elisa Isaksen
februaarip 19-at 2008 17:33

Ataatsimeeqatigiinnermi paasinarsilertorpoq; kalaallit ilinniagaqartut akikillisaanermik atuisinnaanerat pillugu ajornartorsiutaasut periaatsinut tunnganerusut, tassami DSB-p tungaaniit kalaallit ilinniagaqartut akikillisaalluni aqqissuussinermut peqataatinnissaat ajoriffissaqartinneqanngimmat.

Tamatumunnga nassuiaatigineqarpoq, akikilliliiffigineqarnissamut piumasaqaataammat ilinniagaqartut Danmarkimi ilinniagaqarnersiuteqarnerminnik uppernarsaasinnaassasut, kalaallillumi ilinniagaqartut Namminersornerullutik Oqartussanit ilinniartuunersiuteqaramik taamaaliorsinnaanngillat.

DSB-mit qulakkeerusunneqarpoq, kalaallit ilinniagaqartut piumasaqaataasunut eqquutsitsinissaat aamma Danmarkimi bilitsinik tuniniaavinnut nutaamik najoqqutassianik piumasaqaateqartoqalinnginnissaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq