VIDEO Dronningip tikeraarnermini ullut siulliit misigisalikkersaarutigai

Akunnernilu marlunni Ittoqqortoormiiniissimanini tanngassimaarutigalugu ima oqaluttuaraa:

- Meeqqat palersimanermik isaasa nalai kisitsit 8-tut isikkoqarput, tassa seqinersiuteqarsimasut takuneqarsinnaalluni palersimanerisa killeqarneri isigalugit inequnaqaat.

Ataqqinartorsuaq Dronning Margrethe prinsesseulluni siullerpaamik Upernavimmiippoq, angajoqqaani peqatigalugit 1960-imi. Ukiut 55-it ingerlaneranni Upernavik katillugit pingajussaat aatsaat tikillugu.

- Siullerpaamik maaniikkama sila aamma taama silagitsigaaq, tassa qatsunganeq seqinnarik.

Ippernarujussuaq sanioqquppoq, nangillunilu:

- Upernaviliarnissannut qilanaarnikooqaanga pissutigalugu, tikinngitsooqattaarnikuugatsigu, taamatullu 20-nik ukioqarlunga tikeqqaarnikuugakku eqqaamasaqarfigeqigakku. Uppernarsarsinnaavaralu illoqarfik ineriartorsimaqimmat, taamani mittarfeqanngilaq, talittarfeqarani illoqarfik mikinerujussuullunilu.

Kisimiinngilagullu ippeqisartut.