Dronningip inuuiani qamutilittarneq
Aqagu pisarnertut dronning Margrethep inuuia nalliussiniarlugu Nuutoqqamiit qamutilittartoqassaaq.
Allattoq Karsten Sommer
Dronning Margrethep 76-iliinera malunnartinniarneqarpoq.
Aqagu arfininngornermi ullup qeqqanut Nuutoqqap avataatungaaniit qamutilittartoqassaaq.
Qamutilittarneq umiarsuaq alapernaarsuummit EJNAR MIKKELSEN-imit pissaaq, umiarsuit alapernaarsuutit TRITON aamma KNUD RASMUSSEN EJNAR MIKKELSEN-ip qamutilittarnerani malillugu tunuatungaaniissapput.
Issittumi Sakkutooqarfiup ilanngullugu oqaatigaa meeqqat MEEQQAT ILLUAT-neersut pisarnertut EJNAR MIKKELSEN-imut ilaallutik dronning Margrethep nalliuttorsiutigineqarnera qanimut malinnaaffigissammassuk.