Makka Kimmilu peqatigalugit ukioq naajugoq juullerpalaartitsinerlu
Ukiumi qaangiutilersumi pisimasut ilaat KNR-ip unnugu kingumut qiviarfigalugit sammissavai. Ilaatigut Kim Kielsen, Aaja Chemnitz Larsen, Maliina Abelsen, Makka Kleist aamma Jens B. Frederiksen pulaartoralugit 2015-imi pisimasut sammineqassapput.
Allattoq Camilla Dam
decembarip 10-at 2015 11:47
- Kingumut qiviarnitsinni pisimasuni inuit tunuliaqutaasut takutinnissaat pingaartissimavarput. Qanoq pisoqarnersoq ilisimavarput, inuilli pisut qeqqinnaaniittut qanoq misigisaqarfigisimaneraat ilisimasaqarfigivallaanngilarput, nutaarsiassaqartitsivimmi pisortaq Mikkel Bjarnø Lund taama oqarpoq.
Aamma Dronning Margrethep uiatalu aasaq tikeraarnerat ukiormannalu timersortartutsialattut toqqarneqartoq Jens Bjerge sammineqassapput.
- Juullerpalaartitsisinnaassalluta neriuutigaarput tamatumunngalu peqatigitillugu pisimasut pingaarnerit saqqummiullutigit, aqutsisussat taama oqarput.
KNR-ikkut imaluunniit nittartakkatsinni unnugu nal. 19.45 isiginnaaqataagit.
