Dronning Margrethep sakkutuut pulaarpai
Pulaarnermini sakkutuut pillorissarneqarnerat malinnaaffigaa, takullugulu avataat kippakut aamma qanoq taliisaliuullugulli niuusaliuuttarneraat.
Dronningip pulaannginnermini piumasarisimavaa tusagassiorfiit kalerrinneqassanngitsut, nakorsarneqartut toqqissisimallutik naapinniassammanni.
Tamannarpiarlu pissutigalugu uninngasut dronning Margrethemit pulaarneqarnertik oqaloqatigineqarnertillu nuannaajallaatigeqalugulu uissuummissutigaat.
Dronningi Rigshospitalimi pulaareerluni Frederiksbergimiittumut sakkutuujusimasut angerlarsimaffiannut ammarneqaqqammersumut takornariarpoq, illumi angallanneqarluni sakkutuunillu tikeqqammersunik ilassiugaqarluni.
Pulaarnermini ilassisaasa ilagaat kajumissutsiminnik sulisut, sakkutuujusimasut angerlarsimaffianni sakkutuunut ilaqutaannullu tapersersuisussatut piareersimasuusartut, piffissani nikerartuni sulisartut, Ritzau taama allaaserisaqarpoq.