Dronning Margrethep illerfissaa piareertoq

Dronning Margrethep Roskilde Domkirkemi illerfissaa akisuupilussuaq naammassineqarpoq. Kunngikkormiut tusagassiorfinnut ataasinngormat taama nalunaaruteqarput.
Assi © : Keld Navntoft
Allattoq Ritzau, Inge S. Rasmussen
apriilip 24-at 2018 15:21
Nutserisoq Simon Uldum

Naalagaaffeqatigiit Frankrigilu eqqumiitsuliami, ilaatigut marmorimik nunatsinneersumik, basaltimik Savalimmiuneersumik Danmarkimiillu granittimik pingasunik sukartalimmi takuneqarsinnaapput.

Toqqavia sillisissamik Frankrigimeersumik suliaavoq. Kunngikkormiut ukiuni 50-ini atuunnerannut eqqaassutissaavoq, prins Henriullu dronning Margrethep saniani ilerneqarumanani aalajangeraluartoq allanngortiterneqarsimanani.

Illerfik ukiuni 15-ini suliaavoq qiperuisartumit Bjørn Nørgaardimit suliaalluni.

Bjørn Nørgaardip suliniutip aallartinneqarneraniilli illerfissap "Sarkofag"-imik taaguuserneqarsimasup ilusilersornissaa pillugu kunngikkormiut qanittumik oqaloqatigisarsimavai.

Nutaarsiassaqartitsivik Ritzau naapertorlugu, dronningip illerfissaa katillugit 29 millionit koruunit sinnerlugit akeqarpoq.

Illerfik dronningip toqunerata kingorna aatsaat tamanut takutinneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq