Dronning Margrethep covid-19-imut ersiutit nalinginnaasut atorpai
Dronning Margrethe covid-19-imik tunillanneqarnermi kingorna, ersiutit nalinginnaasut ersiutigigai kunngikkormiut attaveqaqatigiinnermut immikkoortortaqarfiat sisamanngornermi ilisimatitsivoq.
Dronningi covid-19-imik tunillanneqarsimasoq marlunngornermi paasineqartoq, kunngikkormiut pingasunngornermi nalunaaruteqarput.
Suulli ersiutitit atornerai ersarissumik oqaatigineqanngilaq. Covid-19-illi ersiutai kakkilertaneq toqqusaarlunnerlu nalinginnaasuupput.
Dronning Margrethe Fredensborgip illussaarsuaniippoq. Taanna sapaatit akunnerani uani aaqqissuussanut peqataanissaa taamaatipput.
AAMMA ATUARUK Dronning Margrethe coronamik aappassaa tunillanneqartoq
Taanna ukiumik 50-inik dronningiusimanerminut atatillugu tallimanngorpat Christiansborgimi nerersuaqatigiinnissamut qaaqqusisuuvoq. Napparsimammalli kunngissaq nulianilu qaaqqusineq ingerlatissavaat.
Dronning Margrethe, tuluit dronningiata Elizabethip Londonimi ilisaaneranut sapaatit akunnerata massuma aallartinnerani peqataaffigaa.
82-nik ukiulik dronning Margrethe ukioq manna februaarimi coronamik tunillanneqaqqaarpoq.
Prins Christian, kunngissap nulia Mary aamma prinsesse Benedikte covid-19 aamma atoreerpaat.
Peqqissutsimut aqutsisut innersuussutai aprilimeersut naapertorlugit, coronamik tunillanneqarsimagaanni ulluni sisamanik mattusimanissaq piumasaqaataavoq.